Seus s'Ofìciu de sa Lìngua Sarda de su Comunu de Biddesatu, chi trabàllat po pesai su bilinguismu in bidda nosta puru. Bolit nai a imperai e a fai andai ananti su sadru comenti s'italianu e duncas, po su chi spètat a cust'ofìciu:

Ø · a tradusi is àutus pùbricus e is manifestus chi andant a sa genti

Ø · a agiudai is aministradoris, is impiegaus/adas comunalis e sa genti chi bolint tradusiduras in sardu

Ø · a studiai is leis de is minorias linguìsticas e a apariciai progetus

Ø · aparciai cuncursus e a imprentai librus po spaniai su sadru

Ø · arregolli is mellus documentus de polìtica linguìstica

Ø · circai e a studiai is fueddus de su connotu Biddesatesu, campidanesu e sardu

Ø · ... e tanti atra cosa ancoras.

Po cust’arrexoni s'Ofìciu de sa Lìngua Sarda de su Comunu de Biddesatu est arrelatau cun is atrus Comunus e Provìncias chi tenint sa pròpiu tenta de strantaxai su bilinguismu in Sardìnnia. Medas traballus ddus feus imparis, cordinendisi' e fendi nasci unu connotu chi balit po totus, po no essi ancora una bo(r)ta centu concas e centu berritas , cosa chi no at fatu beni a sa terra nosta. Cun custu traballu 'olleus ascutai e arriciri totu is cunsillus chi ant a arribai de sa genti, de su mundu de su traballu e de s’Universidadi.

Spereus chi custu esempiu ddu ant a sighiri totu is atrus Comunus puru.

est abretu su cenàbara:

·         de is 9.30 a is 12.30 de a mengianu

·         de is 16.30 a is 18.30 de merì

in sa Bibrioteca noa ( Caserma bècia).