De sa pratza de Santa Bàrbara fait a biri su Genn’‘e ‘entu, Perda Liana, is montis de s’Ollastra, sa cea de su Flumendosa cun is montis de Padru e sa Corona de sa ‘ruta Manna. Custu est unu logu bellu po fai unu itineràriu geomineràriu.

Biddesatu est unu centru chi bantat traditzionis antigas mineràrias cun su agiudu de su traballu de su Parcu Geomineràriu.

Tocat a sighiri una bia po duus chilòmetrus po arribai a sa Mina de Su Suèrgiu.

In su Palàtziu de sa diretzioni nc’est su Museu de sa Mina. In is atras domus bolint costruiri unu centru turìsticu alberghieru cun piscina.

Sa bia est arrica de pratzixeddas, logus po papai e mitzas. Sa Funderia est in sa parti bàscia de su logu. Est de su ‘800 e nci funt is machinàrius imperaus po traballai su minerali. In custu puntu sa bia est in su costau de s’arriu Su Sèssini.

In beranu de s’Arriu Sèssini fait a fai duus itineràrius; unu chi partit de su Flumendosa e sighit s’Arriu Ciurixedda e s’atru che sighit sa bia antiga de is minadoris chi partit de sa Mina de Su Suèrgiu e nci bessit in Armùngia.

MONTI GENIS

A su monti fait a arribai sighendi una bia asfartada chi cumentzat in s’ingruxada po Armùngia in sa bia provintziali n. 27.

Su logu est amparau e nci funt medas cerbus e murvonis e est arrica de ìlixi e mitzas.

PADENTI DEMANIALI DE MONTI ARRùBIU

Fai a nci arribai girendi a manca in sa bia po arribai in su Monti Genis. Est unu logu arricu de padentis torraus a prantai.

PADENTI DI SERRA FRONTERA E SERRA LONGA

In is padentis de Serra Frontera e de Serra Longa nci funt ceas isuladas e arricas de animalis arestis e is minas antigas de Parredis e Sa Lilla.

CEA ARRIU S’àCUA CALLENTI

Est accanta de sa bia 387. S’arriu scurrit acanta de is arrestus archiològicus, geomorfològicus e mineràrius. Nc’est unu padenti meda bellu. Acanta de sa Mina de is Crabus nc’est su padenti de Casàrgius.

MONTI LORA

Su monti dominat sa cea de su Flumendosa. Nci funt meda camineras e unu padenti arricu.